Dipoi 1066, tutti i rè è regine britaniche (fora di Edward V è VII) ci sò stati incurunati. Sò stati numarosi à esse ci seppelliti, incù d’altre persunalità impurtanti d’Inguilterra. Ci hè un « scornu di i pueti » induve riposanu, in particulare, William Shakespeare è Carlu Dickens.

Dipoi a so ricustruzzione, in 1220, u so stile hè goticu. Arrigu III hà fattu fà a cappella di a Vergine, inspirendu si di e catedrali d’Amiens è di Reims. E duie torre sò state fatte in u XVIIIu seculu, è sò dinù di stile goticu.

In fatti, iss’ abbazia hè u panteone inglese. Hè un grand’ onore per Pasquale Paoli è per a Corsica ch’ellu sia statu postu quì u bustu1 di u Babbu di a Patria. Eccu a pagina chì li hà cunsacratu u situ ufficiale di Westminster Abbey :



Ghjuvan Guidu TALAMONI

1. Issu Bustu hè statu fattu da John Flaxman (1755-1826), cunsideratu cum’è u più grande scultore di l’epica. Hà fattu in particulare i munumenti à lord Mansfield, à Nelson è à William Pitt. Hè assai cunnisciutu per e so illustrazioni di a mitulugia greca.