Fioccanu l’inverni,
passanu i seculi,
l’omi fieri fermanu.
Finchè a Corsica averà un
fiatu mintueremu à
Pasquale Paoli, Capu di a
Nazione, è feremu rimbeccu
à quelli chi si ne scordanu.
Ma l’omu quale era ?
Paoli bramava a vita cum’è
l’altri, lascendu u core
piglià à suprana annantu à u
geniu.
Tale hè a lezziò di stu scrittu
di Paulu Michele Villa,
opara sòmma.
A l’orlu di a lettura abbademu
u ritrattu di Richard
Cosway dettu “ritratto del generale Paoli” (si
trova in Firenza. Galleria Palatina, Palazzo
Pitti).
Vi apparisce una forza maiò ma dinò una còlma
sensibilità(1).
Novantatrè lettere di Pasquale Paoli mandate à
Maria Cosway sò state scuperte dà l’autore ind’a
cità di Lodi in Italia.
Ci avvianu ind’ un mondu spasimatu.
Lettura facendu, Paoli diventa un fratellu allora
chi u teniamu solu cum’è U Babbu di a Patria !
Di quale era sta donna chì hà tantu cummossu à
Paoli ?
Inglese, nata in Firenza in 1779, Maria Hadfield
spuserà in Londra Richard Cosway, pittore digià
famosu.
Sarà ella stessa un artista talentuosa è ricunnusciuta.
Scalatu in Londra pè u sò primu esiliu inglese,
Paoli fù accoltu in casa soia di Schomberg
House à mezu à parechji artisti è intelletuali.
Sùbitu diventerà pè Paoli un anima garbata.
Cum’ellu si sintia in vicinanza, li scrivia spessu
: « Non mi sovienne più quale fosse il tomo dell
Illiade di Pope che le mancava, li mando tutti,
prendra qualche volume o tutti li ritenga a suo
talento. Qual degli Eroi che cadderò vittima
della lancia di Achille e del pugnale di Ettore
sarà il primo a rivivere nelle sue tele e a vedersi
di nuovo oggetto della pubblica Fama e della
gloria ? Se alle preghiere e umiliazoni di
Priamo Achille concede lo disgraziato cadavere
di ettore ogni lacrima che dagl’occhi di questo
vecchio Re ella farà versare nelle ferite del
figlio avrà forza ed energia da farlo spirare e
vivere nel sentimento d’ogni cuor generoso e
patriotta… ».
Più tardi a figliola di Maria Cosway sarà chjamata
Luisa Paolina, ma si ne morse prematuramente
cum’è i nipoti o nipotini di u gran
Pasquale : “Sono quattro li nepoti di quel nome
chi mi ha rapito la morte immatura e non permise
che vivesse il quinto...” (2).
Maria Cosway era una squisita cunfidente : hà
incontratu è seduttu una manata d’omi di sanna
: Pasquale Paoli, u pittore David, Tumasgiu
Jefferson, diventatu Presidente di I Stati Uniti, U
Cardinale Fesch... ma Paoli fù forse quellu chì
primurava ind’a so amicizia.
Quellu li cuntava tuttu è li parlava ancu di pulitica
: “Pare che il vento di Corsica sia sempre
sotto la direzzione di spiriti perversi. O Dio
quantu sciagure prevedo alla mia povera
Patria !”
Da veru Paoli un suppurtava micca l’ingannu di
quelli terruristi corsi-francesi cum’è Cristofanu
Salicetti chjamatu “Birbò” ind’è una lettera a
Maria di marzu 1798.
Cume l’hà scrittu Andria Fazi “si malintesu ci
fù, o subitu, o dopu, hè vinutu di sicuru da a
parolla “libertà” à a quale Paoli è ì rivuluziunari
ùn davanu micca prubalbimente u listessu
sensu”(3).
Maria hà spartutu cù Paoli u sò affannu,
Pasquale firmò sempre ascultendu a pietosa
chjama di Maria, donna divota ma chì si sentia
schisa di a Furtuna.
Mi piantu, ùn vale à dì, leghjite stu libru di
Paulu Michele Villa : hè maraviglia pura !
Vincenzu STAGNARA
1. Edizione Alain Piazzola. Ghjennaghju 1999.
2. Pasquale Paoli parla di Giacintu Leonetti, figliulinu
di a so surella Maria Chiara.
3. Andria Fazi. Pasquale Paoli è a rivuluzione di l’89.
Edizione La Marge 1989.
