Accolta
Accolta Cap'articulu Interviste Attualità Cultura Crunichette Sport Lingua


Articulu di u numaru 14, Maghju di u 2008

A rubrica spurtiva di Dany VALDRIGHI


Detti, puttachji è… verità !



Ghjocu à ballò

U sport isulanu in dolu, dopu à a morte di Michele Moretti, u presidente di l’ACA. Si hè spentu in Aiacciu à l’età di 49 anni. Patrone di l’ACA dipoi 15 anni, Michele hè statu quellu chì hà permessu a sta squadra di fà parte di a cima di u ballò à u pianu naziunale francese.

Dopu à a so morte, u derby in Furiani, danvanti à più di 6 000 persone, hà vistu a vittoria di l’ACA (0-1). Un bellu umaggiu pè Michele Moretti, seguitatu una settimana dopu da una vittoria nant’à Nantes (2-1).

U goal aiaccinu, Patriziu Luzi, hè oramai titularu ind’è “a gabbia” di Rennes, squadra di Leca 1. Un zitellu pienu d’avvene secondu à i media specializati. François Bracci hè diventatu l’intrenadore di u FUS Rabat à u Marroccu. Ghjocanu in prima divizione. Dopu esse statu priparatore fisicu di u Sporting, Paulu Luciani, ricumandatu da Federiccu Antonetti, si hè messu d’accordu cù a squadra di Châteauroux di u presidente Denisot.


Rugby

Philippe Agostini ghjè l’intrenadore di a squadra francese di i meni di 20 anni. Dopu à Pierre Mignoni è Lurenzu Emmanuelli (Clermont), Cristofanu Dominici (Stade Français), Arnaud Mela (Albi), Bastelica (Begles), Bozzi (Narbonne), eccu un antru Corsu, di Casinca, à l’onore. U RC Lucciana hà festighjatu sti ultimi ghjorni, nant’à u stadiu Galetti, u so 35u anniversariu davanti à 500 persone.


Vitture

38u Giru di A Giraglia

Seconda vittoria pè Trojani è Verduri. Cordoliani (2) è Manzagol (3) anu fattu l’impussibule pè cuntrà a 307WRC di Trojani. Bravi à tutti.

Prima Giraglia storica

30 anni dopu, è a 66 anni, Jean-Claude Andruet è Guy Mizael anu vintu a Giraglia storica

9u Rallye Sartinese-Valincu

Jean-Michel Pietri è Nathalie Courneges anu supranatu sta corsa. Ramora è Rovina anu finutu in seconda è terza pusizione.


Corsa à pedi

Paul Piris (CO Lecci) hà vintu a prima edizione di A Furianinca davanti à Kamle Zouahni (AJB) è Lebon (Furiani).

E Nivere

Jerôme Bosch hà vintu cum’è annu nant’à e cime di Cardu, in 1 ora 43’28. Felicitazioni.

L’Alatesa

Una corsa muntagnola sopr’à Aiacciu. U primu hè statu Darboux (GFCOA) in 1 ora 15’49.

A Mandrialinca

Vittoria di Peretti cù soladimente 8 seconde nan’à Giorgi ! Luciani è Albertini anu compiu stu podium.


Bozza

Infine Bernardu Inom ricunnisciutu campione d’Auropa dopu à a so vittoria contr’à Sarritzu !