Accolta
Accolta Cap'articulu Interviste Attualità Cultura Crunichette Sport Lingua


Articulu di u numaru 12, Ferraghju di u 2008

A rubrica spurtiva di Dany VALDRIGHI


Detti, puttachji è… verità !



GHJOCU À BALLÒ

Cuppa di Francia : u Sporting hà pichjatu forte !


A squadra di u presidente Antonetti ùn hà lasciastu nisuna furtuna a quella di Auxerre, chì ghjoca in Leca 1. Diretta da Bernardu Casoni, Bastia hà vintu 3-0 è anderà in Pariggi à scuntrà u PSG pè l’ottesimi di finale di a cuppa di Francia. Tutte e sperenze sò permesse vistu l’andatura attuale di un SCB in piena salute !

U « Gaz » à l’onore !

U Gazelec Aiacciu hà vintu in Mezavia u derby di CFA di fronte à u CAB, pocu mutivatu quand’ellu ghjoca fora di Bastia postu chì dipoi l’iniziu di a stagione hà persu nove volte nant’à dece à l’esteru. Grazia a sta vittoria, eccu a squadra di Ghjacumu Cristofari pronta à ritruvà a divizione Naziunale l’annu prussimu. È perchè nò ?


RUGBY

Francia-Italia (- 20 anni) in Porti Vechju l’ottu di marzu !


U cumitatu corsu di Rugby vene, in accordu incù a Federazione, di cuncretizà l’urganisazione di u scontru Francia-Italia di i giovani di i menu di 20 anni, pè u contu di u turneu di e sei Nazioni. Serà una partita di altu nivellu stu 8 di marzu nant’à u stadiu Claudiu Papi.


RALLYE

Trojani numaru unu in Balagna !


L’XIema edizione di u Rallye naziunale di Balagna hà vistu a bellissima vittoria di l’associu Trojani- Verduri nant’à 307 WRC.

Tony Aguzzi (secondu) è u calvese Moreau (terzu) averanu fattu u massimu pè cuntrarià à Trojani ind’è sta corsa. Forse a prussima volta !

U 1 è 2 di marzu : A Giraglia storica

Grazia à l’ASA Bastia è un certu Yves Loubet, a prima Giraglia storica si ferà u 1u è u 2 di marzu nant’à e strade di u Capi Corsu. Digià si pò cuntà, incù qualchì pilotu di rinomina, tale Andruet, Nicolas, Clarr, Manzagol, Moreau…

Ci seranu ancu due speciali di notte trà Macinaghju è Ersa è trà Mursiglia è Cagnanu !

Amadori di belle vitture anziane tutti in Capi Corsu di marzu !


CROSS

Cuppa d’Auropa !


L’AJB, di u nostru amicu Petru Bartoli, è u so campione Amdouni anu chjappu a 10ema piazza in Portugalu ! Un risultatu pusitivu pè i « juniors » bastiacci sempre di più à l’onore ! Felicitazioni !


BOZZA

Inom hà vintu !


U nostru amicu Bernardu Inom hà vintu sabbatu u 16 di ferraghju contr’à u russiu Avetisian. Una bella vittoria per l’elevu di Petru Paoli, chì li apre a strada d’un nuvellu campiunatu d’Auropa chì puterebbe tenesi di ghjugnu prussimu.